桔梗 (已結業)

夜晚係旺角行街，又知呢間係良心小店，就入左黎試吓。佢重點推介係壽喜燒，就揀左$649 set B試吓，有日本A4黑毛和牛150g、澳洲M8和牛三角肉100g、日本長崎縣太陽卵2隻、野菜豆腐盤，白飯(任添)。佢有兩種食法，分別係壽喜燒/Shabu Shabu，而侍應推介先食壽喜燒，慢慢煎，之後先再加水Shabu Shabu咁。先食日本黑毛和牛，肉味非常香濃，再配埋隻蛋食，令牛肉嘅質感更加嫩滑。另外，煎牛肉嘅時候，仲有壽喜燒汁+黑糖俾客人自行調較甜度至於澳洲和牛，稍為韌左少少，但牛肉嘅味道亦好突出。個人黎講，比較中意日本和毛，因為真係好淋好嫩，配埋白飯食一流！加上佢白飯上面仲有啲飯素調味架！之後食到一半，就叫個waiter落水食Shabu Shabu! 蔬菜份量非常多，而且樣樣都好新鮮！亦都有我最中意食嘅皇帝菜添呀！可以將岩先剩低嘅黑糖+壽喜燒汁倒埋落去一齊食不過個人黎講，壽喜燒會比較好食啲，因為可以食到牛肉嘅鮮味同甜味，如果將啲牛Shabu Shabu嘅話，比較普通左少少，話晒呢間餐廳係推介壽喜燒，而唔係打邊爐呀嘛所以，中意食壽喜燒嘅朋友，不妨揀呢間試吓！