Cocoon (已結業)

今日同朋友去咗觀塘工廈嘅 Cocoon 食飯，真係有驚喜。首先介紹下我哋點咗嘅兩個主菜：秘製日式燒汁豚肉炒麵＄98 同埋唐揚炸雞慢熬雞湯烏冬＄88。炒麵個豚肉夠香口，燒汁味道一流，烏冬嘅炸雞真係皮薄炸得超級香脆，雞湯仲好有層次感。以上兩個主菜都係套餐，仲配埋有糖心蛋嘅沙律、日式味噌湯同埋飲品，真係超級抵。值得一提嘅係，我哋加咗$28換咗百香果檸檬梳打，另一個餐加咗$38換咗蜜桃乳酸沙冰。店員仲好有心，會落少啲糖俾你先試味，真係唔夠甜先再加糖，令到飲品嘅甜度啱啱好，唔會太甜。串燒方面我哋試咗串燒翠玉瓜 $18、串燒菜心苗$16 同埋燒牛舌$58，全部都好多汁，特別係牛舌，燒得啱啱好，入口即化。呢度真係抵食又好味，無論係日式煮食定係串燒都好掂。服務又好好，店員細心，成個用餐體驗都非常滿意。