大圍小館

營業中

休息中

在大圍的一條小巷中，掛起了幾十個大大的紅燈籠， 十分搶眼，加上門口兩邊的對聯和古典窗花圖案，整體感覺都流露着傳統的中國風。室內以白色為主，掛住小紅燈籠之外，牆身也有水墨畫，簡潔得來又唔會娘。餐前小食有雲耳和話梅涼瓜，平時唔喜歡苦瓜嘅我都覺得呢個非常之好食，完全冇苦味，有點酸味味的味道很開胃，店員話係用冰糖加醋來煮的！小菜方面，「黑松露滑蛋炒蝦球」（$168）非常推介，蝦球好大粒，有六件，黑松露味十分濃烈，滑蛋又好滑，超級好味！另外叫咗個招牌菜「第一叉」（$188），係厚切嘅叉燒，做得好腍而且都好大碟，好味呀！還有「翠塘豆腐」（$138 ）都係招牌菜，啲豆腐好滑，而且賣相好靚，送飯都一流！整體水平都令我讚不絕口，好希望有機會再來過。