慢煮工業 (已結業)

其實呢間店已經係我第二次幫襯，今日同朋友喺太子行完街，佢話想食西餐，就決定帶佢嚟試下！.💎 $208 經典威靈頓牛柳 呢個價錢就食到威靈頓牛柳，可以話相當抵食😋外皮咬落酥脆而且唔易爛，值得一讚。皮同牛中間夾左一層蘑菇，好香口，而且同肉味好夾。牛就煮到五成熟，肉質都好嫩！.💎 $108 黑松露芝士通心粉平時食焗芝士嘅食物，好怕肥膩，但呢個通心粉食落完全冇罪惡感！芝士味重得嚟有啲creamy，應該係落左牛奶去煮，睇得出廚師好有心去煮😋.💎 $32 蒜香芝士排包一搣開就見到好多蒜蓉同芝士喺中間，真係未食都已經覺得好開胃😍面包亦都焗到表皮外脆內軟。