ROSIE

營業中

休息中

約咗個鐘意打卡嘅朋友去食葵芳Rosie，呢度環境真係好有格調，大地色配搭白色圓拱門,燈同木質配搭出波希米亞風，感覺relax,好有異國情調，打卡一流！依家餐廳開到夜晚九點，夜晚收工過嚟都仲有得食。佢哋嘅意大利粉好高質，唔係普通連鎖店果啲貨色。嗌咗招牌菜龍蝦濃湯蟹肉帶子麵,個湯底香濃得嚟又唔會太滞,充滿蟹肉同帶子，口感好有層次。意粉軟硬適中又掛汁。秘製流心蛋治賣相好吸引！份量仲要好滿足。配埋脆卜卜嘅多士,香口酥脆。呢個真係必食推薦！飲品我揀咗青檸薄荷綠茶,清新解膩,好啱夏天飲。驚喜抵食加20蚊就有小食炸薯條配黑松露蛋黃醬，份量十足,薯條炸得金黃香脆,個黑松露蛋黃醬香濃惹味,好過癮。蝦多士都係加20蚊就有，多士脆卜卜,蝦肉爽口,惹味香脆。