Coffee Hwajeon 커피화전

營業中

休息中

今日要同朋友慶祝生日，想搵間簡簡單單小清新，但係又打卡會好靚嘅餐廳，所以最後決定嚟呢間人氣好高嘅圓方韓式餐廳，結果真係好滿意。呢度裝修超級靚，真係好啱一種女士嚟打卡，食物方面都好高質！一睇個餐牌，首先俾啲飲品吸引住，我叫咗一個lotus焦糖奶昔，而朋友就要咗櫻花鮮奶咖啡配牛角包。兩杯飲品都包埋一個韓式麻糬，超級煙靭，勁好味！好欣賞佢哋個牛角包係熱辣辣，感覺勁新鮮！而兩杯飲品都絕對配得上韓國嘅蛋撻Cafe質素，兩杯都好高質！main我哋要咗龍蝦炒年糕，佢個形狀好特別，係長條型，一開始我仲以為好咁會好似意粉咁樣，點知真係年糕咁煙靭，個醬亦都好濃郁嘅龍蝦味，勁好食！！！呢個係必點！嚟得cafe就梗係要食甜品啦，我哋因為決定唔到要邊樣，最終就叫咗兩個甜品，第一個就係伯爵茶布甸牛角包窩夫，而第二個就係櫻花滿開刨冰。牛角包窩夫好鬆脆，加埋伯爵茶布甸好rich，不論外貌定味道都超晒班！至於刨冰亦都好細滑，好清爽，夏天食真係一流！