影片
更多
2024-12-26
338 瀏覽
今日嚟到airside 睇戲，打算快快手食d 野就揀咗橫濱家系町田商店。入到去店面都幾大，有卡位亦有對窗邊嘅睇景位。職員服務態度好好，有禮貌同主動，一入去我要求坐卡位，佢都好女禮貌即刻幫我轉。食物上枱時，另一位姐姐甚至主動幫我排靚d 食物俾我影相📸 今日點咗橫濱終極Max 拉麵，班馬大蒜牛油拉麵，餃子，章魚小丸子，唐揚炸雞。橫濱終極Max 拉麵，係男朋友點嘅，大大碗，咩餸都有d,溏心蛋，紫菜，叉燒，菠菜，鵪鶉蛋配上濃濃嘅豬骨湯底，湯底香濃而不膩，唔會太咸。叉燒入口軟嫩，小肥，係我地中意嘅叉燒。班馬大蒜牛油拉麵，餸嚟講同另一碗大同小異。但呢碗係黑蒜油 X 牛油嘅口味，入口非常香口，牛油味帶出黑蒜嘅香，幾好嘅配搭，不知不覺飲曬d 湯🤭兩碗拉麵感覺似日本小店食到嘅正宗拉麵，唔係港式做法，一味靠濃靠咸去調味。幾正餃子，大大隻 ,唔係兩邊焦脆果種，入面有小量肉汁，非常飽肚，質素屬一般。章魚小丸子，有驚喜，熱辣辣，做到外脆內軟，料就正常入面有一粒章魚粒，中上水準。唐揚炸雞，炸得幾好，好明顯用新鮮油去炸，無臭益味。同樣地外脆內juicy,但個人覺得咸咗小小，一件起兩件止。今餐食左HKD395+10%
今日嚟到airside 睇戲，打算快快手食d 野就揀咗橫濱家系町田商店。
入到去店面都幾大，有卡位亦有對窗邊嘅睇景位。職員服務態度好好，有禮貌同主動，一入去我要求坐卡位，佢都好女禮貌即刻幫我轉。
食物上枱時，另一位姐姐甚至主動幫我排靚d 食物俾我影相📸
今日點咗橫濱終極Max 拉麵，班馬大蒜牛油拉麵，餃子，章魚小丸子，唐揚炸雞。
橫濱終極Max 拉麵，係男朋友點嘅，大大碗，咩餸都有d,溏心蛋，紫菜，叉燒，菠菜，鵪鶉蛋配上濃濃嘅豬骨湯底，湯底香濃而不膩，唔會太咸。叉燒入口軟嫩，小肥，係我地中意嘅叉燒。
班馬大蒜牛油拉麵，餸嚟講同另一碗大同小異。但呢碗係黑蒜油 X 牛油嘅口味，入口非常香口，牛油味帶出黑蒜嘅香，幾好嘅配搭，不知不覺飲曬d 湯🤭
兩碗拉麵感覺似日本小店食到嘅正宗拉麵，唔係港式做法，一味靠濃靠咸去調味。幾正
餃子，大大隻 ,唔係兩邊焦脆果種，入面有小量肉汁，非常飽肚，質素屬一般。
章魚小丸子，有驚喜，熱辣辣，做到外脆內軟，料就正常入面有一粒章魚粒，中上水準。
唐揚炸雞，炸得幾好，好明顯用新鮮油去炸，無臭益味。同樣地外脆內juicy,但個人覺得咸咗小小，一件起兩件止。
今餐食左HKD395+10%,唔算特別平，但係香港周圍食碗拉麵下下都要HKD100up,而佢叫有質素，所以都可以接受。有下次
張貼
