Cocolo Tokyo Cake Factory (朗豪坊) (已結業)

呢間係朗豪坊既cocolo，成日路過呢到都聞到好香，但係一次都無試過，今日路過終於忍唔住試下呢到有得堂食，亦可外賣，環境光猛夠靚勁多款cake同蘋果批，仲有野飲可以買。連套餐都有，食件cake飲杯野high tea一流隔住玻璃都見到啲批同蛋糕好靚，件件都想食，揀左好耐先決定到食咩。今次試左個栗子蓉批，外皮勁酥，有啲似叉燒酥咁，勁香口，不過係甜既。入面勁多栗子蓉，勁香濃栗子味，又唔會太甜，超級好食！北海道草莓忌廉蛋糕，面頭草莓味既gel好甜，忌廉有三層，所以食落味道好勻稱，唔會中間得蛋糕食落好dry咁蛋糕軟身好有口感今次試左呢個批同cake都好香好好味，見佢仲有個cake叫蒙布朗，又係好靚好creamy咁，下次一定要試！