影片
更多
2016-03-31
3258 瀏覽
今日黎到灣仔食好野，$1688廚師發辦！先黎個頭盤，瑩光魷魚先。平時喺d日式餐廳食到所謂嘅瑩光魷魚，都係細細隻，吞咗都未試到係咩味。今次係我第一次真正食到瑩光魷魚嘅鮮味同質感。嗰種彈牙配上師傅特製嘅醬汁，出面其他餐廳無可能揾到。 呢一件刺身叫做伊佐木。喺日本屬於 "夏 の旬魚"魚身較小，通常重量不多過一公斤，於當造期價格特別高，等同貴價魚。肉色白裏透紅脂肪含量適中，味道清爽甜美，入口微帶爽脆但滑身，感覺似油甘魚。 白蝦刺身。通常呢d蝦仔俾人嘅感覺都係無乜味道。但係識食嘅人就會明白愈簡單嘅食材，就愈考師傅功力。呢一碟白蝦嘅鮮味，就係靠上面嘅柚子醬同底下嘅青檸帶出黎。您食過之後，一定會對白蝦嘅印象從新認識。 呢隻日本蠔厚肉到成粒糯米粢咁，未食之前以為一定好鞋，點知齒甲留香。平時我每食完一道菜，我都會食一件薑或者飲啖菜，清下條利先食下一道菜。但係今次我忍不住問師傅，可唔可以隔耐少少先上下一味~~~隻蠔實在太正了 直徑吋半大嘅帶子~~~啖啖肉。連一塊紫菜夾著食。起初我仲以為 塊紫菜係用黎吸油。點知原來係要包著隻帶子黎食，喺咬口上帶黎多一種層次。本身我唔係好好芋頭，可能以前食
先黎個頭盤，瑩光魷魚先。
平時喺d日式餐廳食到所謂嘅瑩光魷魚，都係細細隻，吞咗都未試到係咩味。今次係我第一次真正食到瑩光魷魚嘅鮮味同質感。嗰種彈牙配上師傅特製嘅醬汁，出面其他餐廳無可能揾到。
呢一件刺身叫做伊佐木。
喺日本屬於 "夏 の旬魚"
魚身較小，通常重量不多過一公斤，於當造期價格特別高，等同貴價魚。肉色白裏透紅脂肪含量適中，味道清爽甜美，入口微帶爽脆但滑身，感覺似油甘魚。
白蝦刺身。
通常呢d蝦仔俾人嘅感覺都係無乜味道。但係識食嘅人就會明白愈簡單嘅食材，就愈考師傅功力。呢一碟白蝦嘅鮮味，就係靠上面嘅柚子醬同底下嘅青檸帶出黎。您食過之後，一定會對白蝦嘅印象從新認識。
呢隻日本蠔厚肉到成粒糯米粢咁，未食之前以為一定好鞋，點知齒甲留香。平時我每食完一道菜，我都會食一件薑或者飲啖菜，清下條利先食下一道菜。但係今次我忍不住問師傅，可唔可以隔耐少少先上下一味~~~
隻蠔實在太正了
直徑吋半大嘅帶子~~~啖啖肉。
連一塊紫菜夾著食。起初我仲以為 塊紫菜係用黎吸油。點知原來係要包著隻帶子黎食，喺咬口上帶黎多一種層次。
本身我唔係好好芋頭，可能以前食過，又硬又無味。不過經店長強烈推介，唯有試吓~~~
呢種芋頭真名叫"海老芋"，海老即係蝦。好好地一件乾爭爭嘅芋頭同蝦又有咩關係呢？
原來海老芋煮熟咗之後佢嘅口感同味道同蝦好似，好粉好入味，再配埋大蜆一齊煮，合埋眼食，您真係會以為自己食緊兩件海鮮。
馬糞海膽壽司~~~兩件壽司師傅差唔多用咗三分一板海膽。無得彈。
睇著師傅嘅刀功都係一種享受
大トロ唔洗多講，入口即融，正到無朋友
細心欣賞優質食材，就好識飲紅酒嘅人一樣，色香味加埋，就叫做perfect池
最後食埋件靜岡蜜瓜，飲返杯煎茶。大滿足~~~
張貼
