亀井鮨 (已結業)

💡高質日本百年老店終於都等到呢間百年老店黎到香港啦，佢係香港係餐廳喺外地嘅第2間海外分店， 餐廳使用空運到港刺身食材，而且呢間仲加入左本地元素，部分海鮮料理仲使用香港本地海鮮而成，加上係日籍師傅坐鎮，質素一定有保證。🍽刺身叩左三文魚腩、油甘魚及間八，刺身每款都厚切，相當新鮮。三文魚腩厚身得黎好肥美，油脂感滿分，食落去個感覺真係好正。間八清甜。油甘魚魚油味重。🍽特上壽司盛 🍣呢個係10貫壽司，好豐富，包括有三文魚、間八、帆立貝、三文魚籽、玉子、甜蝦、左口魚邊、蟹肉、油甘魚及鮪魚蓉卷。每件壽司都好高質，壽司飯用上珍珠米，粒粒都好鬆較，夠曬香。🍽蒲燒鰻魚🐠鰻魚有四件，油脂飽滿，厚肉又無骨，食落有濃郁嘅鰻魚味，加上滿滿的鰻魚汁，食落好juicy。🍽雜錦天婦羅包括有炸蝦、蕃薯、茄子等，熱辣辣新鮮炸起，好鬆軟，唔會厚粉，仲保持到脆卜卜。🍽滑蛋豬扒🐖呢個包括左前菜及配埋湯，豬扒好大份，而且仲保持到外脆內軟，配埋滑蛋係底，整體味道更滋味。