鮨燐

營業中

休息中

今次試左餐廳嘅dinner set，當日供應蜜柑鯛魚、帆立貝、牡丹蝦、深海池魚、油甘魚、赤貝、鮫鰈魚、棱子魚、中拖羅同海膽等多款時令壽司。小編特別推薦呢幾款：鯛魚帶有淡淡蜜柑清香，魚鮮味道較淡身，加上蜜柑果皮汁點綴，令鮮味更突出～ 帆立貝非常厚身，味道鮮甜，中間切開一絲絲，令口感更爽口深海池魚選用下腩部位，口感偏爽脆，魚味愈食愈明顯～ 中拖羅油脂豐富，食落滿口甘香，接近入口即溶！海膽口感綿滑，味道甘甜濃郁，搭配香脆紫菜脆，令口感呈強烈對比～香蔥吞拿魚入口軟綿，散發啖啖魚香～ 配上香蔥粒，令味道更豐富壽司套餐更包括沙律、茶碗蒸、新鮮紫菜麵豉湯同雪糕。性價比幾高！