Amitie Kitchen (已搬遷) 新店位置

去完遊行就搭船過尖沙咀試下呢個西餐，個日係父親節，所以我就約左爸爸一齊去慶祝。餐廳環境幾舒服，原來都幾full，好彩提早book左位姐。唔係太肚餓，叫左一個set dinner加一個意粉。忌廉栗子湯香滑好味，有淡淡栗子香味，配上餐包不錯。其中覺得餐包好正，熱熱的，是新鮮出爐，口感鬆軟！沙律很新鮮。咸蛋黃醬汁煙肉蘑菇意粉，用料好足，估唔到carbonara配上咸蛋黃的味道係甘夾，好特別，兩人食一碟，份量岩岩好，不會漏，推介！最後上個西冷很不錯，我地叫左5成熟，佢煎到岩岩好，不會太生，牛扒肉質鮮甜，不會硬同多筋，配上佢地芥末汁很搭，暫時最愛的菜式。