普羅旺斯餐廳 (已結業)

北海道帶子配茴香檸檬蜂蜜汁 (+$88)白色泡泡係蛋白，黃色爆珠係wasabi分子料理，入口有淡淡嘅芥辣味，但一啲都唔攻鼻。北海道帶子好厚身，鮮味十足！大蒜薯仔湯 配 香蒜法包店員建議先食咗蒜蓉包先，蒜蓉包啱啱整起仲熱辣辣，入口外層香脆內裡軟鬆，好香蒜蓉味，但一啲都唔咸。大蒜薯仔湯材料豐富，有煙肉、藜麥同海鮮。海鮮係刺身，因為刺身本身係凍，為咗避免直接放落湯會令到湯嘅溫度降低，所以會先用火輕輕燒下，好貼心！湯入口順滑薯仔味道香濃，海鮮爽口彈牙。冰鎮荔枝浸蕃茄 (+$28)由底成粒蕃茄𢳂起再放入口，先食到香甜嘅荔枝味，跟住食到冰酸蕃茄味，最後會食到清新嘅薄荷味，味道層次豐富。法式香蛋厚燒西班牙黑毛豬鞍 ($258)豬鞍好厚身，肉質爽彈嫩滑，仲好Juicy！最犀利嘅係要煎得熟之餘，外面層薄蛋漿香脆得嚟又唔燶，真係好考大廚嘅功架！意式脆香燒雞扒 $198廚師建議雞扒連雞皮食，外皮好香脆，雞扒充滿肉汁，嫩滑香口。