Sol House Oyster Bar and Restaurant

鬧市中尋找一點寧靜絕非難事，餐廳距離荃灣廣場只兩街之隔，地點方便又能遠離煩囂商圈。 餐廳播住輕快英文歌曲，燈光昏黃，好適合情侶約會/ 閨蜜傾計聚會。 太平洋蠔周打湯 $78湯底加入了牛奶、鮮奶油和蠔肉碎煮成，整體軟滑细膩，味道濃郁。 法式泥蟹湯 $88聞到好香蟹味，湯底質感濃稠，內含絲絲蟹肉，入口濃郁蟹味，比龍蝦湯更突出，啖啖鮮甜，非常好飲，值得一試。法式海膽焗蛋 $168焗蛋面層有三文魚子及芝士，切開中間海膽汁從內滲出，鮮甜海膽香味四溢，味道好夾幾好味。 法國家鄉燴鴨煲 $268原隻油封鴨髀，鴨皮酥脆唔油膩，肉質軟滑帶咸香，底部舖滿蕃茄、法國白豆及法國白肉腸，混入醬汁後蕃茄同白豆煮得黏淋入味，食晒唔覺唔覺都幾飽肚。