正九清湯腩．冰室 (美輪大廈)

營業中

休息中

約咗朋友收工喺港島北角食晚飯，搵咗一間鄰近北角站B1出口一間正九清湯腩冰室，發現入面食物多元化，除咗招牌清湯腩外，還有不少鑊氣小炒，住家菜等，食物質素有驚喜。🤗砂鍋雲吞雞✨✨砂煲雞湯熱辣辣，湯底清甜，雞皮皮薄，雞肉嫩滑，配菜有自家製的餃子，餡料是白菜和豬肉碎，口感豐富，橫加上煮得稔身的娃娃菜，十分開胃。沙茶芥蘭炒牛肉✨✨牛肉大大嚿，配上特製的沙茶醬，煮得入味，芥蘭有別於一般的餐廳，煮得異常稔身，適合老友記食。煎比目魚✨✨比目魚扒大大件，比目魚扒炸得外脆內嫩，魚肉十分滑，香氣撲鼻，送飯一流。椒鹽魷魚鬚✨✨椒鹽魷魚鬚份量足料，魷魚鬚炸得十分香口，魷魚鬚爽口彈牙，十分新鮮，配上鹹豉油更能帶出魷魚鬚的鮮味。