胡爐 (已結業)

朋友成日帶我去食好野，今次去嘅係一間食火鍋半放題嘅餐廳-胡爐🤤聽聞佢呢個半放題係最近新出嘅餐，每人$298，包左一個煲(雞、鴨、豬手，3選1)，由於我地兩個都未食過鴨煲，就決定一於試下落完單等緊野食嘅時候，店員送左兩碗佛跳墻比我地，第一次食感覺發現左新世界😹🥘一上台，個鴨煲好明顯好足料，除左鴨之外可以見到香芹、芫荽同香葉，鴨肉好嫩，就算食到最尾煮咁耐都唔會好鞋🐚時令海鮮拼盤：有5款海鮮，包括帶子、蝦、花甲、蟶子、大蜆(應該係?)，每款都食得出幾新鮮🐂牛拼盤：有和牛、牛舌心、黑毛豬豚肉，三款都好好食🥟手工丸餃拼盤：最好食係個芝心丸，牛丸外層包住芝士漿，熱食真係好jeng🤤至於任點火鍋料，因為上面果d加埋都唔少，所以只係點左少量野食，包括廣島蠔，肥牛，響鈴，紅薯粉，豬紅，全部質素都幾好食完曬所有野，店員仲送上左飯後甜品-雪糕🍦！我要左豆腐味，豆腐味濃而唔會好甜，perfect~店入面嘅裝飾好靚，而且座位好闊，無論係想打卡影相定同朋友聚餐都一流~