ZENI RONE

營業中

休息中

前兩日去MoKo行街發現呢間隱世Cafe ，主打泡芙同多款特色甜品，裝修以粉色為主，幾有格調，每張枱都獨立間開，私隱度高，舒適寧靜，啱晒同三五知己嘆番杯茶、食下甜品、傾下計。吉士焦糖泡芙拿過金獎梗係要試吓啦，有六種口味揀，全部日本直送 , 即叫即烘 , 泡芙表面灑上糖粉後炙燒 ,口感外脆內軟 , 內藏飽滿流心吉士餡料 , 香甜軟滑。富士山 賣相非常之靚，蛋糕是富士山造型 , 乳酪奶凍配上抹茶慕絲蛋糕加上底層的朱古力蛋糕，抹茶味很香濃，朱古力蛋糕好好食，旁邊有白玉 、 紅豆蓉同蕨餅 ，配搭得很精緻 , 口感非常豐富而且甜而不膩 。全日早餐食物非常之豐富，有雞蛋、麵包、乳酪、沙律、香腸、培根、蘑菇、串茄及薯餅，雞蛋可以揀炒蛋、太陽蛋、玉子或者全熟，豐富又健康。四重芝士薄餅🍕呢款係薄脆批，批邊烤得好香脆，香濃芝士味，上面覆蓋著四種不同口味的芝士, 豐富層次感和濃郁奶香味道,十分美味😋。小丸子紅豆抹茶鮮奶 抹茶味香濃，配上嫩滑鮮奶及紅豆蓉，感覺有點似紅豆冰，小丸子好煙韌。櫻花碳酸充滿櫻花🌸香氣嘅汽水味道，好香甜幾好飲，櫻花粉色，非常之靚，打卡一流 😍！