龍鳳食堂

營業中

休息中

去開荃灣南豐紗廠附近，唔係好想食Cafe，想搵啲性價比高嘅餐廳，醒起上次食過嘅呢間龍鳳食堂。今次一個人就叫咗一份甜豉油滑蛋蝦仁飯，同埋叫咗一碟馬拉盞炒時菜，今日嘅時菜係菜心。份量方面，好足料同埋會飽肚，飯嘅份量充足，每一啖都有滑蛋或者蝦仁，甜豉油份量掌握得啱啱好，唔會太重口味。雞蛋香味濃郁，口感都算嫩滑。馬拉盞炒時菜亦都好惹味，菜心都幾新鮮。個人覺得口味幾啱，唔太重口味，算係健康之選。整睇覺得呢間味道口味都幾高質，同埋最緊要係個性價比。