蠔灣 (非門市)

營業中

休息中

突然興起好想食生蠔，上網睇到呢間可以手機用Apps落單叫，24小時送貨，仲包送貨，好方便就試下！而且有晒拼盤可以揀唔使煩，我就叫左24隻。送到嚟個包裝超靚，成個花藍咁，盤底仲會發光，好有去左高級餐廳嘅感覺。打開包裝真係有種拆禮物嘅興奮🤩用左好多冰薦底，保持新鮮。仲要已經解凍好。以前試過嗌返嚟仲要自己解凍搞咗半日都未食得！啲蠔已經全部開晒，仲有檸檬同蠔汁！睇佢哋介紹店内嘅蠔全部都係從法國蠔場直接入口。當中有6隻超大Gillardeau No.0，手掌咁大係我既最愛。Gillardeau有一定保證。蠔味鮮，而且無海水味，有鮮甜味，蠔身好飽滿，好肥美，食落口口感好好。食完真係令人難以忘記。另一款Fine de claire，口感甘甜爽脆，蠔醒較淡，唔落汁，原汁原味都好好食！每款蠔都洗得好乾淨一粒沙都冇，而且冰夠多，慢慢嘆都keep住夠凍。估唔到叫外賣都有咁高級嘅享受，無論服務、食物都係超水準。