牛県

營業中

休息中

同老婆出開荃灣，夜晚去左試呢間石燒牛扒，牛魔王既我表示值得推介。Menu上有6款牛既部位可以揀，3個唔同既重量視乎需要食幾大件。薯條係即炸的，所以好熱辣辣，無落鹽少少脆。南瓜湯，好溶好甜，南瓜味好香。白飯加上日本味粉。阿根廷青醬，唔濃味而且好清新，減少牛既油膩感。紅酒牛肉汁，味道同平時食既燒汁差唔多。牛扒上黎既時候都有張牛油紙遮住，避免啲油周圍彈。牛側腹扒，外觀望落貌似好乾。但切既時候好腍，啲肉汁出哂黎。食落牛味比較鮮同有油香。每塊扒都係一成熟的，只要切開細舊之後喺塊石板上放1s就即刻唔紅了。牛橫隔膜腹肉，牛味比較濃，而且啲肉好嫩。