洪記粥品 (華明商場)

營業中

休息中

一向都好喜歡食粥今日嚟到粉嶺嘅呢一間洪記粥麵叫咗一碗生滾及底粥一碗艇仔粥加粉腸另外再叫多份蔥花炸兩同埋豬潤腸粉。首先講咗腸粉非常之細緻，粉腸皮做得好嫩滑，豬膶腸粉裏面嘅豬潤非常之新鮮，一啲都唔會苦同埋硬，處理得相當之好，好少食到咁高質嘅豬潤腸粉，蔥花炸兩嘅腸粉皮同樣高質，配埋裏面嘅油炸鬼整體唔錯。及抵觸雖然份量唔多，但係裏面嘅材料非常充足，豬潤、粉腸、豬腰、豬肉片、豬肉丸全部都好新鮮，而且調味都非常之好，粥底好綿密整體非常之高質。