發哥粥底海鮮火鍋 (已結業)

于其食200零蚊嘅放題，不如試下食200零蚊嘅粥底火鍋。其實食物份量都係差唔多可以食到好飽。是次同朋友嚟到位於觀塘嘅發哥粥底火鍋，呢間粥底火鍋午市會做冰室晚市則會做火鍋。呢度唔算多人七點鬆啲入嚟都會搵到位。而且座位寬敞舒服，絕對係放工入嚟傾下偈食下火鍋嘅首選。食物方便， 主要以套餐為主，個個入咗呢都係會食粥底火鍋。同兩個朋友揀咗一隻蟹同埋半隻龍蝦做粥底火鍋配料。建議大家揀蟹因為個粥底 真係會鮮味好多。所有食材都非常之新鮮，清洗得有乾淨。特別提一提如果你拎豉油的話，記住加埋佢哋嘅爆蒜油。佢哋個燉湯超好飲不過可惜一人一碗。其他飲品都可以任飲，仲有竹蔗茅根。所選菜式份量十足，真係高質。當你食完所有嘢之後可以侍應加濕飯，順利成章會變成一個非常鮮味嘅粥。