餃掂手工餃子雲吞專門店

新都城商場入邊2樓food court開咗林林總總嘅餐廳，真係要試吓呢間餃掂。酸酸辣辣嘅雲耳為呢一餐打開序幕，雲耳唔算話非常之辣，但起碼可以醒醒胃，爽脆可口。見到啲餃子隻隻都非常之飽滿，尤其呢一個壽喜燒牛肉餃配埋九鼎湯，非常之清甜，亦都飲得出好足料，配埋湯入邊嘅壽喜燒汁同埋妓滑嘅牛肉相映成趣。芫荽豬肉餃呢就一定係要食煎嘅，芫荽嘅香氣配埋餃子皮嘅香脆，加埋滿滿嘅豬肉，非常之幸福。粟米豬肉呢就好清甜，一口咬落去，粟米d汁吱晒出嚟，亦都係加上嘅豬肉，十分之清新。另外都嗌咗個四川粉皮，粉皮非常之滑溜，加上佢秘製嘅酸辣汁，同埋上邊有少少花生碎做點綴，真係幾十蚊就已經食到大使級嘅食品。