雪糕之森 (已結業)

太太總係要飯後甜品，睇到門面裝修咁金閃閃，再望望餐廳，一個蜜瓜雪糕二百幾蚊，今日唔係特別日子老婆咩事要食咁豪，個心暗不爽時，老婆原來只食個最普通綠茶雪糕$38，哈，嚇死咩？高級雪糕先唔講味道，個杯同隻小湯匙銀色唔講以為係鐵，原來都係膠但真係做得好細緻。雪糕綠茶味好香好滑，唔太甜帶點甘苦味，牛奶味勁creamy好重奶香，威化筒同杯裝一樣價錢，杯裝底部仲有少少玄米，又再多重口感，$38真心覺得好抵，因為東x堂食一杯都差不多價錢，但用料呢度明顯靚好多，綠茶控絕不能錯過。