影片
更多
2019-08-14
135 瀏覽
今日約咗老婆同佢慶祝生日飯，我老婆話未試過食私房菜所以今日就book咗呢一間西式私房菜同佢試吓。餐廳環境佈置得唔錯真係好似去咗屋企食飯一樣，你呢度食飯一定要早一啲book，起碼10日前。我哋揀咗一個five course dinner. Starter 係Pareto cheese and Italy tomatoes with rose vinegar. 意大利蕃茄配梅子玫瑰酒汁。蕃茄切開4片，4片都唔同色因為四舊蕃茄都係唔同嘅熟度。第二道係餐湯，餐湯係蟹肉西蘭花湯，湯十分creamy,仲有好香嘅西蘭花味。蟹肉上面仲有啲魚子，口感唔錯。第三道菜係帶子配雞髀菇，雞髀菇唔係一樣貴價食材但係燒得好好食。連平時唔鍾意食菇嘅我都食晒。廚師功力深不可測。第四道菜係慢煮西班牙黑毛豬鞍，五成熟嘅豬肉好好食。最後一個係檸檬慕絲蛋糕配雪糕。埋單每人$650，價錢唔算太貴質素非常之好。
第二道係餐湯，餐湯係蟹肉西蘭花湯，湯十分creamy,仲有好香嘅西蘭花味。蟹肉上面仲有啲魚子，口感唔錯。
第三道菜係帶子配雞髀菇，雞髀菇唔係一樣貴價食材但係燒得好好食。連平時唔鍾意食菇嘅我都食晒。廚師功力深不可測。
第四道菜係慢煮西班牙黑毛豬鞍，五成熟嘅豬肉好好食。最後一個係檸檬慕絲蛋糕配雪糕。
埋單每人$650，價錢唔算太貴質素非常之好。
張貼
