我愛慢煮 (裝修中)

今日嚟咗位於尖沙咀嘅我愛慢煮新分店。餐廳裝修好靚、好舒服，主打露營環境，有好多掛燈，打卡一流！餐牌選擇豐富，扒類到意大利飯到甜品都有。黑松露薯條 $68薯條好大碟，上枱時熱辣辣，啱啱炸起，食落外脆內軟。黑松露醬黑松露味滿滿，味道一流！美國Prime肉眼 $308肉眼12oz，都頗大塊，面頭已經見到有蒜蓉同Rosemary，果然一食落去香料味好重。肉眼肉質軟腍多汁，再帶一點肥膏位。另外仲配有鹽，可以因應自己嘅口味配搭。加拿大保濕豬鞍 $148豬鞍肉質緊緻，而且好滑，估唔到一啲都唔柴！面頭配有大量黑椒，食落香口。另外半碟有紅蘿蔔、翠玉瓜同粟米，蔬菜多汁美味。明太子海鮮意粉$118意粉醬汁非常多，明太子醬帶少少辣味，而且有芝士，食落好creamy！另外海鮮方面有大蝦、青口同魷魚，配搭豐富。熱情果芒果特飲$42飲品好Fresh，好夠氣，而且仲有芒果粒！荔枝接骨木花特欴$42依杯荔枝味比較重，都有荔枝果肉。