影片
更多
2021-05-21
49 瀏覽
今晚想食得簡單啲，路經潮龍清湯腩，睇緊餐牌嗰陣店員姨姨已經好友善出黎招呼，就入去試下啦既然佢個名都講到明清湯腩，咁就試一試佢。有沙腩同坑腩，後者少啲肥肉，揀佢罪惡感就低啲。揀咗米線，份量唔少，湯底好濃味，驚喜位係坑腩切得好靚，塊塊大細都差唔多，食落腍得黎又唔肥，好有驚喜。可惜坑腩唔適用於雙併粉麵餐，$46超抵食🥲男友唔食牛腩，聽姨姨介紹揀咗個炸醬雲吞撈麵，份量更大碟，男仔食就啱晒。可以加$10加個小食，我地揀咗個腐皮卷，好得意佢係片狀既，甜甜地又幾好食～野飲方面嗌咗佢地自家製既菊花茶，好清甜，飲得出唔係加咗砂糖嗰種死甜，係好滋潤既味道～以粉麵舖黎講呢間真係好好食，店員態度又好，唔會呼呼喝喝催你落單，雖然佢未必係附近最大最靚既一間，但都執得好企理，去開不妨支持下～
既然佢個名都講到明清湯腩，咁就試一試佢。有沙腩同坑腩，後者少啲肥肉，揀佢罪惡感就低啲。揀咗米線，份量唔少，湯底好濃味，驚喜位係坑腩切得好靚，塊塊大細都差唔多，食落腍得黎又唔肥，好有驚喜。可惜坑腩唔適用於雙併粉麵餐，$46超抵食🥲
男友唔食牛腩，聽姨姨介紹揀咗個炸醬雲吞撈麵，份量更大碟，男仔食就啱晒。
可以加$10加個小食，我地揀咗個腐皮卷，好得意佢係片狀既，甜甜地又幾好食～
野飲方面嗌咗佢地自家製既菊花茶，好清甜，飲得出唔係加咗砂糖嗰種死甜，係好滋潤既味道～
以粉麵舖黎講呢間真係好好食，店員態度又好，唔會呼呼喝喝催你落單，雖然佢未必係附近最大最靚既一間，但都執得好企理，去開不妨支持下～
張貼
