潮龍清湯腩 (已結業)

唔想煮飯，又唔想食得太Heavy，所以放工就去咗買外賣，雖然賣相唔算好突出，菜式簡單，但我覺得以平價餐來講算係唔錯。雲吞麵 唔知大家有冇食過一碗雲吞麵係有六粒雲吞？ 平時我食嗰啲得兩三粒，但係喺平民價錢來講佢有六粒雲吞麵算真係好良心！侯柱牛筋拼牛腩飯 牛筋煲得好林，配埋煙韌既牛腩，口感十足，另有蘿蔔同埋生菜做配菜。紫菜湯 炸魚皮味道係正常但炸魚皮可能擺內左，有少少林，咬落去就唔算好脆菊花茶我覺得最驚喜真係個菊花茶，飲落去有種清香嘅感覺，唔係普通就咁沖出嚟嘅菊花茶，應該都係返咗一段時間去煲既。

小巷入面既一間粉麵檔，地方細細，但都唔少街坊會去食。最重要既係佢地食物質素幾好之餘，又大件夾抵食。清湯牛腩飯湯略咸，牛腩有肥瘦均勻，有咬口又唔會太硬。牛肉同飯既份量都幾多下。崩沙腩水餃河崩沙腩超正！！！牛腩本身已經好食，而崩沙腩更係又彈牙，牛肉香味又出，我好鐘意❤️而家已經唔係每間粉麵檔都有水餃，但其實對我黎講，比起雲吞，我更愛水餃。呢到有就真係太好了😊通菜腩汁蘿蔔超推薦！煮到好淋身，蘿蔔鮮甜無渣，加唔加腩汁都超正👍

今次森仔係反工附近食左個快飯。所以，今次去左元朗嘅潮龍清湯楠買外賣反公司食😂😙貪佢夠快，靚，正！果日我叫左潮龍鴛鴦牛腩飯和清湯牛坑腩。兩個味道都幾好！不論牛腩味道，脂肪分佈，口感都好過一般茶餐廳。潮龍鴛鴦牛腩飯($53)佢用了清湯牛腩和柱候炆牛腩，兩種味道令到我更能食到牛腩的味道和調味方法的不同。🤣🤣🤓清湯牛腩，食到牛肉嘅鮮嫩，同時咬到其細膩口感。而柱候炆牛腩，惹味非常，令人食唔停口。柱侯醬汁帶出了牛腩嘅牛味就，用來拌飯食，一流！😍😍😍清湯牛坑腩($63)而這個單點嘅清湯牛坑腩，比一般牛腩更高質。由於部位有點不同，味道和口感完全兩個層次。特別係牛坑腩廋中帶肥，脂肪比例適中，造成入口即溶的感覺😍😍唯個清湯較咸，所以要多飲水。整體而言，餐廳🍴性價比高，食物質素中上，出餐快靚正😙森仔覺得值得一試😎😎

工作完畢後決定先吃晚飯再回家, 隨便找了附近一間小店，想不到有驚喜。點了兩個飯麵再加配飲品，價錢方面非常平民化。柱侯牛筋併牛腩飯，牛腩和牛筋份量很足，甚有地道風味。牛筋入口滑嫩，骨膠原滿滿的感覺，醬汁掛在牛筋上入味非常。牛腩軟腍，肥瘦適中，醬汁也不會過鹹，蘿蔔清甜沒有筋。 三寶麵選了五香豬脷， 金錢牛肚和鮮粉腸，搭配河粉。湯底清甜，蘿蔔和牛骨的香氣都滲進湯底。五香豬脷有咬口，厚薄適中，保持口感同時也容易咬開。金錢牛肚沒有腥味，口感軟嫩，吸滿湯底的精華。鮮粉腸爽口彈牙，愛吃內臟的人會喜歡粉腸獨特的微羶味。水吧出品有水準, 凍檸茶和奶茶的茶底夠濃，忘了點少甜也不會過甜。

最喜歡吃的清湯腩湯的我，開始了四出找尋清湯腩之旅，這回去到了元朗找到了這家小店，還滿便宜的呢！環境：略略擁擠，但乾淨企理服務：老闆娘一腳踢，既做外賣又做堂食，偶爾還會入廚房幫忙，態度還滿不錯，超厲害的多功能老闆呢！主打都是清湯腩，麵河或是撈麵，飯這些，來這邊當然點清湯腩河粉吧！三餸河粉崩沙腩雲吞牛筋河＄３８＋８＝＄４６非常爽脆的崩沙腩，味道香濃而不會膩；牛筋超軟稔入味；雲吞夠爽脆而且沒有過厚的外皮，唯一不足是雲吞只有兩顆，不夠喉呢！通菜＋＄１０加上腐乳的通菜也滿爽的，味道清新，不俗魚皮＋＄１０浸到湯內的魚皮不會太稔，半稔半脆的口感加上不會太油膩，這魚皮以＄１０來說很值得推介

元朗國有咩好食？咩都有得你食😆港式粉麵一定唔少得🤩潮龍牛坑腩米粉 $32呢個價錢咁既質素係超值🥳比起牛腩佢呢個部位更腍，唔會難咬，亦都唔會太肥👍佢既蘿蔔配清湯一流，蘿蔔完全冇渣，清甜😍貢丸雲吞米粉配生菜🥬$46賣相唔錯，貢丸好大粒，咬落又好彈牙。至於雲吞入面都好足料。碗麵清淡得來又好味，仲好健康！係快餐首選👍🏻飲品我揀咗清熱解暑雪梨菊花茶，冰涼得來又清熱，唔算好甜👍🏻好飲，都係加$2！

夜晚諗住簡單食一餐，揀粉麵檔就最好架啦！朋友叫左清湯牛坑腩幼麵 ($32)，我叫左鴛鴦牛腩米線 ($39)，另外加咗 ($10) 腩汁蘿蔔好欣賞呢間舖頭嘅湯底調味啱啱好，唔會過鹹，同埋食完唔會好口渴，應該冇味精😂 牛坑腩湯底比較甜，肉質比崩沙腩瘦，但係食落夠腍，牛味亦都好重😋鴛鴦牛腩有潮式清湯腩同廣府式柱候牛腩兩款肉，湯底比較濃味😋我自己鍾意清湯腩多啲，因為肉質食落非常軟熟，同樣牛味都係重。柱候牛腩就會相對乾身少少~蘿蔔冇渣，本身都甜，同埋冇刻意浸糖水嗰種味，加埋腩汁好好食😋最後我哋仲叫咗兩樽雪梨菊花茶，細細樽份量啱啱好，老闆話係自己煲，夏天飲啱晒👍🏻三款牛腩各有風味，呢個價錢來講CP值幾高🤣

今日入咗元朗搵朋友行街 去到夜晚嘅時間朋友介紹咗我去食一間專門食清湯腩嘅茶餐廳 店入面嘅裝修雖然同平時茶記冇分別 但係比到一種親切感我 左手邊仲有好似連儂牆咁嘅memo貼紙 寫住唔同客人嘅評語同打氣說話 五顏六色 勁靚今次我同朋友叫咗兩個餐一個係牛腩豬手撈麵一個係牛腩炸醬撈麵，兩個人加埋兩杯自製嘅凍雪梨菊花茶埋單$150都唔洗 仲要啲牛腩勁淋牛腩豬手撈麵（$45）食肉獸嘅我去到邊度都無肉不歡，勁淋嘅牛腩加埋佈滿哂平時超好餸飯嘅汁嘅豬手，一啖麵一啖餸，再一啖冰凍嘅雪梨菊花茶🤩牛腩炸醬撈麵（$42）一如既往嘅超淋牛腩，但今次唔同嘅係配上平時湯麵用嘅炸醬，用黎撈麵又別有一番風味，咁嘅價錢期望唔太高，但估唔到有驚喜添。雪梨菊花茶超潤喉超解渴，岩哂食完撈麵，又口渴嗰時飲🤤

今日去左元朗食好野，突然間想食牛腩，就搵左「潮龍清湯腩」！雖然唔係大型食肆，不過細細間店舖先係卧虎藏龍既美食地方！地方不大但係坐位都夠晒闊落，冷氣亦都足夠唔需要熱住咁食嘢！冬菇木耳雲吞米線 🍜再加左醒胃酸菜女朋友就揀左三寶米線，上菜大大碗要用抵食黎形容，每樣料都十分足夠，加埋米線又彈牙入味，所有配合都一流！牛腩炸醬撈🍝$42當然重點係牛腩炸醬撈，牛腩入味又夠晒冧，炸醬小小辣嘅好味炸醬肉，撈埋一齊簡直配合到冇得輸，加埋彈牙既面底，最驚喜係有已經煮入味既蘿蔔，真係錦上添花!追加小食 豚肉炸餃子🥟$10追加小食真係揀得好岩，香脆既外皮包住香噴噴嘅豚肉，入口好味又多汁，加埋一齊做小食真係好吸引，真心可以追加❤️自家製雪梨菊花茶🥤加$8食左咁多嘅好好味嘅野食，當然要飲番杯潤喉可口既自家製飲品，食到滯一滯飲番杯簡直冇得頂！加埋冰凍既膠樽上黎，保證新鮮又好味，記得一定要叫番杯試下喇！📍潮龍清湯腩 (元朗)元朗鳳翔路69號建輝大廈地下4號舖冬菇木耳雲吞米線 🍜再加左醒胃酸菜牛腩炸醬撈🍝$42追加小食 豚肉炸餃子🥟$10自家製雪梨菊花茶🥤加$8📍潮龍清湯腩 (元朗)元朗鳳翔路69號建輝大廈地下4號舖

‌今天在元朗收晏,天氣又悶又熱冇乜胃口, 於是找到位於元朗鳳琴街體育館後面一條小巷內這家潮龍清湯腩吃牛腩河粉,店的環境十分舒適, 裝修亦十分雅緻, 感覺較那些地踎式的粉面鋪頭更加高檔。我們兩個人點了一碗店主推介的鴛鴦牛腩河粉(一次過試到廣府柱侯牛腩及潮州清湯牛腩),再加添雲吞, 另外又點了清湯牛腩河粉加添魚餃,另外加7元可加配凍飲一杯, 柱候牛腩火候十足,十分入味,有一定水準, 但我們更喜歡清湯腩, 夠晒腍而且鮮味十足,而且唔覺有太多味精,吃完也不會有很口喝的感覺。至於雲吞和魚餃, 亦有一定的水準,算是不過不失,本想多點一碟淨清湯腩吃, 但由于河粉的份量超多,我們吃完已飽了一大截,只好取消這念頭, 下次過來一定要再點淨清湯腩品嘗。

之前經過食很出名的台灣餐廳🙈的時候發現呢間清湯腩😯 屋企人之前有講過話幾好食👍🏻 趁着屋企冇人煮飯🤣的時候就買左他們的外賣🥡試下la~~ 柱侯牛筋併牛腩飯🐮🍚 ($49)牛腩🐄非常之淋 而且不會好肥 牛筋軟硬度啱啱好而且充滿着豐富嘅膠質👍🏻 牛腩同牛筋🐄都好入味 而且唔會好肥 撈飯🍚簡直一流 香茅雞髀飯🍗🍚 ($43)呢個真係唔講得笑😍 雞髀🍗係新鮮炸嘅 而且好大隻🤩 肉質嫩滑 而且好Juicy 唔會炸到乾爭爭 個雞髀香到直頭係一路拎返屋企一路聞到陣香味💯雪梨菊花茶🍹 (+3)呢個小編真係好鍾意❤️ 因為勝在少甜而又解到渴🥵 有陣淡淡的菊花🌼香 健康🏋🏻又消暑♨️

住元朗呢頭好方便就係周圍都有餐廳，食開粥粉麵飯既，我就好推薦呢間潮龍清湯腩。呢間老字號粉面店真係好多年啦，最鐘意就係食到呢度既人情味，老板好好人又熱情，今日收工途經決定買外賣番屋企食。點左個崩沙腩雲吞麵，黃沙豬潤麵，再來個炸魚皮及炸雲吞，埋單閃人返屋企慢慢嘆。翻到屋企10分鐘到，炸魚皮超香超脆，同剛剛炸出來分別不大，炸雲吞一樣咁掂，都是香香脆脆的，好正好好味。兩碗麵沒有索水，崩沙腩係出名的，口感超滑超嫩口，雲吞自己制，大大粒皮薄餡靚，份量夠豐富，而且湯底夠香夠味，真係好食夾抵食😋黃沙豬潤唔係人人啱，但對女性來講就係恩物，只要豬潤靚同整得好食，就唔會有陣味，所以呢碗黃沙豬潤麵係正的，如果唔係都唔會揀🤟🏻潮龍清湯腩仲要係平民價，大家未來過既真係要來試下，包你返尋味。

今晚想食得簡單啲，路經潮龍清湯腩，睇緊餐牌嗰陣店員姨姨已經好友善出黎招呼，就入去試下啦既然佢個名都講到明清湯腩，咁就試一試佢。有沙腩同坑腩，後者少啲肥肉，揀佢罪惡感就低啲。揀咗米線，份量唔少，湯底好濃味，驚喜位係坑腩切得好靚，塊塊大細都差唔多，食落腍得黎又唔肥，好有驚喜。可惜坑腩唔適用於雙併粉麵餐，$46超抵食🥲男友唔食牛腩，聽姨姨介紹揀咗個炸醬雲吞撈麵，份量更大碟，男仔食就啱晒。可以加$10加個小食，我地揀咗個腐皮卷，好得意佢係片狀既，甜甜地又幾好食～野飲方面嗌咗佢地自家製既菊花茶，好清甜，飲得出唔係加咗砂糖嗰種死甜，係好滋潤既味道～以粉麵舖黎講呢間真係好好食，店員態度又好，唔會呼呼喝喝催你落單，雖然佢未必係附近最大最靚既一間，但都執得好企理，去開不妨支持下～

突然好想食下港式地道粉麵，就黎試下呢間清湯腩，見佢啲麵都幾平，但我食唔到咁多野，淨係食到一個麵😅清湯崩沙腩麵 $33其實我未試過崩沙腩，⼀直都係食牛腩多，店員推介我試崩沙腩，就試下啦！原來真係好好食😍肉質軟腍，有少肥膏恰到好處，好有驚喜！麵條好彈牙，湯底有牛味又清清地，配埋葱花剛剛好🥰🥰🥰食得多西餐日本野，食返地道港式野又可以慳下錢都幾好🤣✨✨✨✨✨✨✨✨✨✨✨✨✨✨✨✨✨✨✨✨✨✨✨😆

潮龍清湯腩放假去完元朗公園百鳥塔朋友帶我去食下午茶，熱辣辣簡單食碗面，小編小去元朗原來有咁多好野食🤩牛腩白蘿蔔雲吞粗湯面，牛崩腩非常夠身，肥瘦分明咬落無渣，無牙都食到，另外要讚白蘿蔔好夠甜，同樣係無渣😋雲吞用木耳同豬肉整成，咬落爽口，自家包既餡料有豬肉冬菇木耳，有咬口👍🏻必叫雲吞炸醬撈面麵條均勻裹上醬汁，甜中帶微辣，小編反而覺得肉醬仲招牌👍🏻自家製雪梨菊花茶，少甜夠滋潤，非常解渴，必飲推介👍🏻不得不讚，呢間服務態度又夠親切，在場食客主打都係街坊生意