胡爐 (已結業)

約咗呢個朋友好耐，今晚終於可以得閒同我食飯，咁梗係棟番間好味😋又好座的餐廳，於是就搵左呢間#胡爐 開餐啦。首先食番個餐前開胃小食～麻辣雲耳青瓜。點了招牌鮮椰青雞鍋湯底，店員會先炒熟雞後，再倒入椰青，再倒入雞湯，滾住已聞到香味，待滾起即是時盛起碗品嘗，清甜味鮮，雞肉又滑，正啊😄！招牌炸魚皮，脆卜卜的很好👍味。胡爐牛拼盤，包括有五款牛肉，安格斯手切肥牛、牛胸爽、霜降牛粒牛舌芯&極上手切牛頸脊。😘安格斯手切肥牛, 油花分佈得好靚，咬落牛味香濃，口感柔軟又滑。牛舌芯爽脆，極上手切牛頸脊，質感結實牛味更加香濃。牛胸爽原來係牛白肉，好特別的部位，較其他肉硬。丸類拼盤，黑松露墨魚丸、手打蝦丸、芝心丸，墨魚丸，粒粒都香濃爽口，喜歡芝心丸墨魚丸、咬落芝士爆漿，好味又過引。餃類拼盤，有鮮蝦雲吞、XO醬帶子餃、魚皮餃…，真係冇得輸，皮薄餡靚真材實料，鮮味又彈牙。蔬菜拼盤，洗得乾淨新鮮又健康👍。食材質素高質超水準, 所有東西都好新鮮! 店員態度很好，比個讚你地☺️。