鉄人大盛 (已結業)

放題大家就試得多啦，鐵板燒放題大家又試過未呢?尖沙咀開咗呢間鉄人大勝,喺格蘭中心底層。佔地非常之大，容納咗好幾張鐵板燒枱，服務客人。 師傅會即場喺鐵板上面燒烤，供客人觀賞，真係即叫即做絕不欺場。 鐵板燒好夠鑊氣，好似表演咁。 而且味道的確係值得一讚。 餐廳食物款式非常之多，任食唔嬲。枱枱先上一盤齊齊整整嘅刺身。貴價品有三文魚腩，帶子，牡丹蝦，吞拿魚及油甘魚等等。食呢盤都已經值回票價。 所有刺身都好新鮮甜美，尤其是係牡丹蝦，甜蝦，大大隻。三文魚腩夠肥美飽滿，仲有油甘魚既甘香美味。 基於唔想太飽肚嘅關係，壽司類只係點咗兩款卷物，青龍卷同軟殼蟹卷， 呢兩款正常發揮。 呢度除咗刺身係正之外，鐵板燒都係值得推介嘅。 頭先上面幅圖就係師傅幫我哋燒緊泰式雞扒， 泰式雞扒燒得非常香口，再加埋惹味嘅泰式辣醬，真係好食到停唔到口。 下面嘅係燒羊架，同樣係唔蘇，又夠嫩口。 上面分別係黑松露醬嘅燒魚柳同埋檸檬牛油香草燒魚柳，兩款都好惹味。 上面睇到嘅燒魚柳， 燒得夠金黃香脆，醬料亦非常之足，令人食指大動。 仲有燒鰻魚 鯖魚，同埋牛舌。鰻魚燒得好香， 甜甜地 肉質又夠嫩。鯖魚肉質鞋身，同樣係好出味。 當然亦唔少