隼 (已結業)

平日的MegaBox比較少人，冇限時坐得比較舒服。今日試咗一間新開張的壽司店。以列車做主題，卡位多坐得舒服，啲列車不停穿梭其中，非常得意。壽司種類多而且齊全，刺身類好新鮮，整體壽司size唔會太細。特別推介帆立貝，松葉蟹同赤蝦，好鮮甜、軟滑、同厚身，其他炙燒三文魚，墨魚壽司，象拔蚌壽司，炙燒鰻魚壽司也做得不錯。軍艦龍蝦沙律軍艦和粟米沙律軍艦，沙律醬撈得啱啱好，唔會太多或太少，粟米鮮甜。而芝麻八爪魚軍艦，份量足。卷物牛油果軟殼蟹卷比較特別，牛油果醬放喺卷物的頂部，軟殼蟹新鮮炸起，口感豐富。福袋蟹柳沙律福袋(2件）店舖特別之處，福袋的選擇非常多，新年食福袋好意頭，腐皮做得好薄，唔會太酸或太甜包住滿滿的材料，非常唔錯。小食方面也做得唔錯，全部新鮮炸起熱辣辣，款式多。炸魷魚鬚新鮮炸起好香脆，但份量較少，比較硬身。蒜蓉牛油燒珍寶帆立貝（2件)不過不失，都算大隻，好香牛油味。芝麻手羽（2隻）雞翼size算大隻，啖啖肉，皮脆肉嫩，好入味。日式餃子（4隻）不過不失薯絲炸蝦（2件）值得推介，薯絲幼身炸得好鬆脆，配合入邊蝦做餡料，好好的配搭。朱古力泡芙（3粒）甜品作結，非常滿足的一餐