高興 (已結業)

是日年三十，係狗年最後一天。年初一二三係星期二三四，所以好多同事會攞今日同年初四假，放個長假期。結果，只有我同另一個同事撐枱腳。 我哋揀咗去高興食收爐飯。我叫咗個黑椒牛扒腸仔飯佢就叫咗個焗雞扒飯。 黑椒牛扒少少辣，好醒胃。腸仔唔係早餐嗰D鷄肉腸，係粗身嗰D法蘭克福腸！幾重本。雞扒飯焗得剛剛好，飯唔係太硬，雞扒好嫩滑。發現原來呢度可以飲熱維他奶作餐飲。正！加上店内懷舊裝修，令我回味起讀書年代的美好時光。