友義氣‧酸菜魚

營業中

休息中

晚上放工去銅鑼灣行左一陣街。唔知係咪發放第二期消費券的關係，感覺晚上多了人出來行街購物。行完了ikea後，突然好想去食酸菜魚，加上由於本人本身都係一名好義氣仔女，一於去試呢間友義氣酸菜魚。餐廳位於金百利中心七樓，其實即係崇光百貨隔離的商業中心，地理位置十分方便。餐廳燈光通明，座位舒適。而侍應姐姐態度十分殷勤體貼細心周到。今次點了一個標準中辣的酸菜魚 ($238)同一碗白飯 ($13)，侍應姐姐說標準份量已經足夠二人去食，如果再加大就係可以供四至六人用餐的份量了。魚肉採用了新鮮海鱸魚，嫩滑，彈牙，足料，湯汁酸辣醒胃不膩，配飯一流；配菜還有蒿筍，薯粉，金菇，芽菜！除了魚肉，其次能決定酸菜魚是否足料美味，都好睇酸菜魚有冇奉上魚頭，我覺得有魚頭可以為一道酸菜魚畫龍點睛，十分有誠意！另外，再多點了一碟椒鹽殼蟹 ($115)。軟殼蟹炸到金黃色，肉質酥脆惹味，如果配上啤酒應該更佳，不過我們只點了芒果酸乳 ($26)、菠蘿酸乳($26)，因為酸乳飲料幫助消化嘛。整體而言，友義氣的酸菜魚高性價比，服務質素一流，值得推介！