睿日本料理 (已結業)

生日飯想食日本野，朋友介紹黎大坑呢間睿日本料理食，話之前食過好得，啲刺身的確係靚過新鮮過食開嘅餐廳。而且呢度氣氛幾好添。全部主要食壽司同刺身，亦有一些冷盤前菜，例如呢個日本凍番茄，好甜，店員話係黎自熊本縣，再配上柑橘醋，甜中帶酸冷豆腐就配上芝麻醬，個醬唔會太濃，可食出豆腐本身的豆香味我地4個人點了一份特上刺身拼盤，朋友已經預告話個份量都幾驚人下，店員攞上枱果下比我想像中更大，首先，啲刺身數量已經多，多得黎仲要每塊都幾厚切下，確實好驚人。刺身有9款，例如油甘、深海池魚、牡丹蝦、大拖羅、吞拿魚背、赤貝、北寄貝、粒貝、銀雪魚，大拖羅超高質，我開始懷疑以前食過嘅拖羅都未必係拖羅，因為呢度食嘅先係真正食到入口即溶嘅感啲貝類都好鮮好靚，例如赤貝呈鮮橙紅色，好爽口一啲腥味都冇。日本馬糞海膽壽司都好正，食完好想再encore總括而言，環境舒適、店員友善、食物質素高、價錢亦合理，絕對推介！