鮨竜 (已結業)

*此餐廳收取加一服務費。Omakase Tatsu（單點$680），刺身四款；大拖羅刺身肉質粉嫩，食落入口即化；燒馬駮魚帶有焦香味道，底層有漬物；平靜魚魚腩刺身肉質爽口，油脂味濃；帆立貝刺身肉質厚身，食落好滿足，採用柚子皮、酸橘汁作為配搭，味道清爽。時令御料理一品（跟餐$0），黑梅貝子煮，黑梅貝肉質彈牙，食落好入味。壽司六貫（跟餐$0），特上地金目錭壽司食落好新鮮；櫻鱒壽司肉質肥美；白蝦壽司肉質綿滑、晶瑩剔透；赤貝壽司口感爽脆，食落鮮味十足；赤身醬油漬壽司口感厚實，味道鹹鮮；橙壽司表面鋪有幼蔥，食落帶有芝麻味道，燒黑目魚肉質嫩滑，魚味濃厚。茶碗蒸（跟餐$0），表面鋪有菇菌、香蔥，菇菌製成蒟蒻口感，雞蛋帶有高湯味道。赤味噌湯（跟餐$0），採用蝦膏熬煮，內有麵筋、豆腐、香蔥。手卷一客（跟餐$0），表面鋪有兩層海膽，海膽口感Creamy，瞬間即溶，味道甘甜，另外，飯粒內有蟹肉，味道鮮甜，紫菜口感薄脆。甜品拼盤（跟餐$0），開心果雪糕內有開心果，令口感好豐富；奈良產草莓味道香甜多汁；甜玉子燒食落蛋香味濃。