影片
更多
2018-10-12
277 瀏覽
同朋友一行四人去到太古城一間意大利餐廳慶祝生日，我地都未食過正宗意大利菜，見到係米芝蓮，一於去試試啦！好彩一早打去Book定位，估唔到平日都咁會滿座，我諗大家都對佢既食物好滿意！一坐低店員會問想要Sparkling water定係普通水，如果需要Sparkling water，店員會開一枝出來斟比客人（額外收費 ），當天我地打算叫其他飲品所以就無特別叫有汽水喇。響等緊壽星既期間，店員端上鋪頭一盆四小件的自家製麵包，上台時微溫，烤得外脆內軟，可配黑醋或橄欖油食。由於當天太肚餓，掛住食都唔記得影低點菜後店員見我地四個人，都會主動問啲野食係咪share，原來係想為我地安排好上菜既時間，食完一樣佢地先會再上另一樣，而且亦會為客人換碟以免各樣食物味道混和，估唔到細節位都咁貼心，值得一讚。食物方面，我地點左一個大雙拼Pizza，係Parma Ham + Mixed Seafood （10” $280）、兩份牛扒，分別係9oz既M5澳洲和牛西冷扒（$330）同18oz既美國肉眼扒（$690），另外後加一碟意式燴鴨肉牛肝菌扁意粉（$190）。先講講Pizza，批底有如麵包一樣，都係香脆得黎不失軟糯感，
一坐低店員會問想要Sparkling water定係普通水，如果需要Sparkling water，店員會開一枝出來斟比客人（額外收費 ），當天我地打算叫其他飲品所以就無特別叫有汽水喇。
響等緊壽星既期間，店員端上鋪頭一盆四小件的自家製麵包，上台時微溫，烤得外脆內軟，可配黑醋或橄欖油食。由於當天太肚餓，掛住食都唔記得影低
點菜後店員見我地四個人，都會主動問啲野食係咪share，原來係想為我地安排好上菜既時間，食完一樣佢地先會再上另一樣，而且亦會為客人換碟以免各樣食物味道混和，估唔到細節位都咁貼心，值得一讚。
食物方面，我地點左一個大雙拼Pizza，係Parma Ham + Mixed Seafood （10” $280）、兩份牛扒，分別係9oz既M5澳洲和牛西冷扒（$330）同18oz既美國肉眼扒（$690），另外後加一碟意式燴鴨肉牛肝菌扁意粉（$190）。
先講講Pizza，批底有如麵包一樣，都係香脆得黎不失軟糯感，唔會覺得太乾或太淋，厚薄亦都適中。初頭以為Parma Ham會唔夾Pizza，點知食落都唔錯，咁既配搭都幾有新意，至於海鮮帶微辣既味道中和左芝士既膩感，仲幾開胃添。
而和牛西冷同美國肉眼都一樣無令人失望，我地叫左五成熟，不過上台時都覺得似medium rare多啲。兩份牛扒的肉質都唔會太韌，只是肉眼難免有少少筋位。兩款都牛味十足，仲有陣陣碳燒味，喜歡食牛既朋友唔可以錯過。
鴨肉扁意粉個人黎講就覺得幾好食，鴨肉味超香濃，不過有朋友就覺有點酥。個牛肝菌汁稀稠適中，配上煙韌既扁意粉都唔怕會太漿口。
食完幾樣主食，店員主動走過來換碟，問上得甜品未。呢個位有啲小尷尬，Book台時已講明是慶祝生日預約左一份甜品，仲以為店員會好好配合添，可能時間都接近關門，店員有少少趕收工啦。至於我預約既係「Pavlova」（$100），其實係一個圓形既蛋白糖脆餅包住熱情果雪葩，個糖餅非常好食，只不過我覺得個雪葩太酸，有點搶過了味道。但係整體賣相還是非常適合壽星用來拍照打卡既，唔怕酸都可以叫。
飲品我地點左幾杯特色飲品，不過都無特別影低，反正醉翁之意不在酒。最後總括黎講，雖然店鋪人員既服務態度就有少少進步空間，但野食佢地真係做到好高質，去開太古既朋友仔可以試試！
10 瀏覽
0 讚好
0 留言
9 瀏覽
0 讚好
0 留言
9 瀏覽
0 讚好
0 留言
16 瀏覽
0 讚好
0 留言
19 瀏覽
0 讚好
0 留言
張貼
