黑木亭-お食事処 (玉成大廈) (已結業)

放假有飯局，呢次都係由我安排飯局，專登帶友人去試一間高CP值既日式餐廳，我地叫左週末放鬆二人餐(HK$398)，質量唔錯又抵食。小店座位設計舒適，職員好有禮貌，門口位仲多款壽司刺身、定食外賣、關東煮等三點刺身盛👍🏻三文魚｜油甘魚｜帶子刺身厚切，新鮮肥美，食落有質感，油脂豐厚，魚味香濃馥郁，豉油帶出食材既鮮甜，食後餘韻久久不散，可見選料上盛鰻魚牛蒡炸蝦卷卷物份量十足，米飯包裹住肉鬆、牛蒡、吉列蝦、青瓜、飯面仲有鰻魚，咸甜之中食到材料既爽脆及軟糯，口感豐富多變，味道唔錯定食👍🏻壽喜燒定食配烏冬（牛/豬）小小鐵鍋裝滿各種食材，款式多樣化，今次揀左牛肉，鍋內有豆腐、金菇、娃娃菜、小棠菜、本菇、冬菇、寬粉，一份烏冬，幾有份量。味醂比一般餐廳既壽喜燒濃味，但味道唔錯，牛肉半肥瘦，食落有牛肉香，蔬菜同牛肉吸收左湯汁既味道，更加鮮甜😋黑松露忌亷石鍋烏冬配吉列豬扒定食勁多黑松露，味道香濃，忌廉汁濃稠，岩晒鍾意松露同忌廉既朋友仔橙汁菠蘿汁