影片
更多
2018-07-13
330 瀏覽
第一次食寫評，因為呢度嘅鐵板燒好 impressive 啊！嚟之前見到 openrice 有不少負評，本來都有啲擔心，但係親身試完又覺得好正好抵食。今日嚟食午餐，$480 嘅 menu 已經好豐富啦。由於我唔食生嘢，餐廳預備咗其他款式代替前菜海膽同刺身。前菜－鵝肝配無花果，向來都幾怕好膩嘅鵝肝，但係同清爽嘅無花果一齊食就唔錯。沙律－牛肉好好味，好有質感，三片真係不能滿足嗜牛嘅我... 店員介紹醬汁係蘋果味 (好似係)，主要係鹹味，帶點甜，呢個汁我都好鍾意啊！脆煎甘鯛－平時我麻麻哋食魚，更遑論魚皮，但呢道魚煎得好靚好吸引，外皮金黃色，咬落去脆卜卜 (啲聲真係好清脆)，就算有魚鱗都唔怕；魚下面有一片黑松露risotto，大愛～因為我好鍾意食飯焦，佢煎得好香。配埋海膽醬汁食，好 creamy。和牛－唔係誇張，相比我曾經喺日本食過嘅和牛，我會鍾意呢個多啲，唔會覺得膩，軟硬度非常好。配埋爽脆嘅蒜片一齊食，味道剛剛好。炒飯－睇住師傅炒已經口水直流，香噴噴嘅炒飯份量非常充足，真係好飽肚。炒得乾爽、唔油膩，亦都唔會太鹹。野菜－茄子非常香口，芽菜亦係我心頭好！最後另外點了店員推介嘅甜品－酥皮綠茶雪糕，酥
嚟之前見到 openrice 有不少負評，本來都有啲擔心，但係親身試完又覺得好正好抵食。
今日嚟食午餐，$480 嘅 menu 已經好豐富啦。
由於我唔食生嘢，餐廳預備咗其他款式代替前菜海膽同刺身。
前菜－鵝肝配無花果，向來都幾怕好膩嘅鵝肝，但係同清爽嘅無花果一齊食就唔錯。
沙律－牛肉好好味，好有質感，三片真係不能滿足嗜牛嘅我... 店員介紹醬汁係蘋果味 (好似係)，主要係鹹味，帶點甜，呢個汁我都好鍾意啊！
脆煎甘鯛－平時我麻麻哋食魚，更遑論魚皮，但呢道魚煎得好靚好吸引，外皮金黃色，咬落去脆卜卜 (啲聲真係好清脆)，就算有魚鱗都唔怕；魚下面有一片黑松露risotto，大愛～因為我好鍾意食飯焦，佢煎得好香。配埋海膽醬汁食，好 creamy。
和牛－唔係誇張，相比我曾經喺日本食過嘅和牛，我會鍾意呢個多啲，唔會覺得膩，軟硬度非常好。配埋爽脆嘅蒜片一齊食，味道剛剛好。
炒飯－睇住師傅炒已經口水直流，香噴噴嘅炒飯份量非常充足，真係好飽肚。炒得乾爽、唔油膩，亦都唔會太鹹。
野菜－茄子非常香口，芽菜亦係我心頭好！
最後另外點了店員推介嘅甜品－酥皮綠茶雪糕，酥皮係用特製焗爐焗成嘅。賣相一流，外酥內軟、外熱內冷嘅獨特口感非常吸引，絕對值得一試！
用餐過程，師傅有同我哋傾偈交流，既介紹吓佢為我哋烹調嘅食物，又彼此分享吓人生～都係個好好嘅互動。
張貼
