影片
更多
2018-11-26
59 瀏覽
細妹生日，我決定同佢兩個邊食飯邊飲酒，做一晚閨蜜傾吓心事。我哋上到嚟銅鑼灣地鐵站對面嘅呢間Miniclub，環境好寬闊，而且好適合飲住酒傾心事，而且佢哋嘅食物品質都不錯。係一間屬於高檔嘅餐廳。我哋要咗海鮮拼盤加生蠔$263+54，我就主打食生蠔，每隻生蠔都肥美新鮮，妹妹主要食海鮮，佢一邊食龍蝦一邊拆螺肉，不斷大叫鮮甜好味食得好開心。然後我哋就叫左，西班牙火焰黑毛豬鞍扒$127，我貪佢有火焰有氣氛啲。小食就叫咗辣肉腸薄餅$95，韓式照燒安格斯牛柳粒$87。黑毛豬一上枱，侍應就叫我地準備相機，然之後一陣火燒起，熱辣辣嘅西班牙黑毛豬就係我哋面前，我快速咁切開然後分吃，豬肉夾雜着陣陣嘅木香味，再點佢嘅特別醬汁-沖繩鹽麴，超級好味，我哋以蝗蟲嘅速度清左成個碟。安格斯牛柳粒非常惹味嫩滑，再配上泡菜及紫菜，可以開胃又食多幾件。辣肉腸薄餅，但有少少酒味，用咗靚嘅新鮮麵粉，所以薄餅口感又脆又有小小包嘅香甜。好吃。少不得佢哋嘅酒，我哋要左一支House wine, 同埋Einstein。我好鍾意佢哋嘅cocktail，又靚又好飲，打卡影相味道都係一百分。我呢杯酒，佢分開咗兩邊，一邊係甜甜嘅桂花香，一邊係藍
我哋上到嚟銅鑼灣地鐵站對面嘅呢間Miniclub，環境好寬闊，而且好適合飲住酒傾心事，而且佢哋嘅食物品質都不錯。係一間屬於高檔嘅餐廳。
我哋要咗海鮮拼盤加生蠔$263+54，我就主打食生蠔，每隻生蠔都肥美新鮮，妹妹主要食海鮮，佢一邊食龍蝦一邊拆螺肉，不斷大叫鮮甜好味食得好開心。
然後我哋就叫左，西班牙火焰黑毛豬鞍扒$127，我貪佢有火焰有氣氛啲。小食就叫咗辣肉腸薄餅$95，韓式照燒安格斯牛柳粒$87。
黑毛豬一上枱，侍應就叫我地準備相機，然之後一陣火燒起，熱辣辣嘅西班牙黑毛豬就係我哋面前，我快速咁切開然後分吃，豬肉夾雜着陣陣嘅木香味，再點佢嘅特別醬汁-沖繩鹽麴，超級好味，我哋以蝗蟲嘅速度清左成個碟。
安格斯牛柳粒非常惹味嫩滑，再配上泡菜及紫菜，可以開胃又食多幾件。
辣肉腸薄餅，但有少少酒味，用咗靚嘅新鮮麵粉，所以薄餅口感又脆又有小小包嘅香甜。好吃。
少不得佢哋嘅酒，我哋要左一支House wine, 同埋Einstein。
我好鍾意佢哋嘅cocktail，又靚又好飲，打卡影相味道都係一百分。
我呢杯酒，佢分開咗兩邊，一邊係甜甜嘅桂花香，一邊係藍色嘅酒，但係飲落去，一啲都唔覺得有酒嘅苦澀味，非常適合女性飲嘅。侍應亦都有介紹酒嘅內容及飲法。
最後俾咗個大驚喜比佢，餐廳嘅特別推介，艾菲爾鐵塔，粉紅色嘅艾菲爾加上乾冰嘅煙霧，上邊擺搬咗唔同款式嘅甜品，完全滿足晒壽星女的少女期盼，佢對呢餐飯超級滿意。
依家出去食飯，好多時消費都唔平，但係如果貴嘅消費配上唔好嘅服務或者唔好嘅食物，換來嘅係一肚氣，但係喺Miniclub,服務又好而且食物水準相當高，所以雖然買單稍貴但係CP值更高。我亦都推介左比身邊朋友。
題外話，我唔小心打爛左支紅酒，佢哋極快同專業嘅態度清理完，而且一啲都唔黑面，令我哋食得好舒服，冇破壞到妹妹食生日飯嘅氣氛。好多謝佢哋。
張貼
