The Point - Pizza & Pasta (如心廣場) (已結業)

好耐冇食過pizza，咁岩行過見到個套餐幾抵食，2人都只係$398，有2個頭盤，1個意粉，1個pizza或主菜。芝士焗釀大啡菇配香草蕃茄汁平時係屋企我都鍾意焗大啡菇黎食，餐廳既水準果然同自己整既好唔同，呢度既啡菇好juicy，唔會好乾，配料仲有超多，芝士處於半溶狀態，仲有酸酸地既香草蕃茄汁，好惹味。香煎虎蝦牛油果意大利香草醬意粉虎蝦好大隻，煎完好新鮮，香草醬意粉食落唔會好膩。Carbonara Pizza (9”)配料有意大利風乾火腿、薯仔片、水牛芝士、巴馬臣芝士、鮮雞蛋同埋忌廉芝士醬pizza。咸咸地既意大利風乾火腿放上pizza到超好食，再配埋鮮雞蛋中和一下，就變左冇咁咸，剛剛好。Raspberry Iced Tea Raspberry唔會好酸，反而甜甜地，幾清新。