Deli-O Cafe

營業中

休息中

行過見到呢間餐廳嘅早餐Menu，雖然款式唔多，但每款都各有特色。有慢煮雞🤩、炭燒咖啡🤩，只收$38，即刻吸引咗我入去試吓！先試下佢嘅慢煮雞肉，果然肉質鬆軟嫩滑，雞肉燒嘅時候仲灑上黑胡椒粒，絕對唔係一件白烚嘅雞肉。蕃茄湯🍅鮮味但偏酸，不過絕對可以接受，因為太甜太濃就係用茄膏加糖啦！仲有新鮮蕃茄粒同洋蔥粒，感覺似新鮮熬煮。螺絲粉嘅煙韌度剛好，有口感！炭燒咖啡係蒸餾咖啡☕️，送上枱已嗅到陣陣香味，飲落口就微微苦澀，但無酸味，是大眾化口味嘅咖啡。餐廳環境都唔錯，裝修簡約潔淨，坐位舒適。不過點餐程序就與餐廳目標客群路線有點不符。我個人認為好一點嘅消費體驗係客人無需行返去入口落單。