千の味刺身壽司專門店 (海福花園商場) (已結業)

呢一間刺身壽司專門店好近公司 夏天熱辣辣既日子 食壽司就最好啦🥰呢度嘅價錢系學生價 抵食又大份 壽司同刺身好新鮮 可以成日買外賣反去開餐～▫️吞拿魚蓉飯勁多吞拿魚蓉🥰每一啖都包括左吞拿魚 鮮味十足！▫️火炙丼(火炙三文魚2件、火炙左口魚、赤蝦2件、玉子2件）火炙過 所以滿滿既油脂香 而且刺身壽司好新鮮 每一款都好厚身大件 個人最鍾意食赤蝦 爽口鮮甜 呢個價錢真係好抵食！▫️炸軟殼蟹卷一份有八件 每一件都大大嚿 裏面有滿滿嘅軟殼蟹肉 然後用沙律醬同蟹子包住 好滿足🥰▫️三文魚腩壽司見到價錢咁抵 同朋友一人一件 三文魚厚身 好肥美！▫️芝麻雞翼熱辣辣即叫即炸 外層脆身 裏面充滿肉汁！！