潮福蒸氣火鍋 (已結業)

最近有少少涼意，打邊爐🍲就最岩！兩個人想食多啲款又唔想周圍買洗一大餐，選任飲任食就最方便😄經過深水埗，記起朋友講過潮福都幾抵食，就去左食佢個海鮮火鍋套餐😋一坐低揀左飲咩先，呢度竟然有asahi同嘉士伯任飲，平時出面一定要on top加錢，當然要啤一啤佢🍻湯底實在太多選擇，最後選左椰子雞湯，估唔到都有半隻雞，唔係有雪味果種，唔錯！再黎岩岩炸好既脆皮乳鴿，好開心打邊爐都有乳鴿食😆之後到重點啦👏🏻係有六種海鮮嘅海鮮盤定食 （龍躉片，海蝦，桶蠔，鮑魚，大元貝同蟹），可能佢本身有自設既海鮮箱，海鮮款款都好新鮮，仲清洗得幾乾淨，鮑魚元貝都拆哂殼，食得方便又放心👍🏻個擺盤係有心思，可以打卡騙like🙈我地覺得只係呢個海鮮盤已經值回票價，特別桶蠔真係好巨型，有大半隻手掌咁大，連碗都放唔落🤣其他食物都有好多款，我最鍾意手打丸，好爽口，整體來講好高CP值！