影片
更多
2023-05-30
317 瀏覽
🐥 #太子 #醉翁燒鳥Weekends行完街，嚟到太子站附近，見到有間新開嘅居酒屋，裝修新穎別緻，仲有新張優惠，就入咗去試吓😋，結果尋到寶！成餐飯都超滿意🥳 我哋每個總類嘅嘢食都叫咗少少嚟試：🥗 足料軟殼蟹沙律 （$98）首先係一個冷盤，我哋叫咗個軟殼蟹🦀沙律🥗 估唔到啲軟殼蟹係即炸嘅，影完相食都仲係暖暖哋同脆口😍 連埋爽口嘅生菜食都好夾😋 好少食到咁好食嘅沙律，讚🤩🧀 芝士年糕 （$38）芝士年糕係暖笠笠、脹卜卜㗎🤩 入面嘅芝士鹹度適中，加上面皮都有少少麵粉味道，覺得係我食過最好食嘅芝士年糕😭💕🍳 櫻花蝦半熟蛋爆彈 （$48）呢個「爆蛋」其實係喺溏心蛋外包咗一層蝦膠，佈滿櫻花蝦再拎去炸嘅，內裏半熟流心、中層煙韌、外層香脆，櫻花蝦更加增添咗鹹香度，口感、味道都更豐富🥰🍣 刺身三文魚 （$48）、帆立貝（$78）我哋只係叫咗兩款刺身，擺盤都超級靚🥰 呢度嘅三文魚好抵食！三大塊，超厚切超肥美都只係$48，亦都可以揀三文魚腩$58🤩 帆立貝都好飽滿好肥大！食落清甜唔洗沾豉油都好好味😋🍢 串燒🐣 雞翼串 （$64）🐥 雞胸軟骨串 （$32）🍗 自家製免治雞肉棒 （$38）「燒鳥」，即係串燒雞肉
Weekends行完街，嚟到太子站附近，見到有間新開嘅居酒屋，裝修新穎別緻，仲有新張優惠，就入咗去試吓😋，結果尋到寶！成餐飯都超滿意🥳 我哋每個總類嘅嘢食都叫咗少少嚟試：
🥗 足料軟殼蟹沙律 （$98）
首先係一個冷盤，我哋叫咗個軟殼蟹🦀沙律🥗 估唔到啲軟殼蟹係即炸嘅，影完相食都仲係暖暖哋同脆口😍 連埋爽口嘅生菜食都好夾😋 好少食到咁好食嘅沙律，讚🤩
🧀 芝士年糕 （$38）
芝士年糕係暖笠笠、脹卜卜㗎🤩 入面嘅芝士鹹度適中，加上面皮都有少少麵粉味道，覺得係我食過最好食嘅芝士年糕😭💕
🍳 櫻花蝦半熟蛋爆彈 （$48）
呢個「爆蛋」其實係喺溏心蛋外包咗一層蝦膠，佈滿櫻花蝦再拎去炸嘅，內裏半熟流心、中層煙韌、外層香脆，櫻花蝦更加增添咗鹹香度，口感、味道都更豐富🥰
🍣 刺身
三文魚 （$48）、帆立貝（$78）
我哋只係叫咗兩款刺身，擺盤都超級靚🥰 呢度嘅三文魚好抵食！三大塊，超厚切超肥美都只係$48，亦都可以揀三文魚腩$58🤩 帆立貝都好飽滿好肥大！食落清甜唔洗沾豉油都好好味😋
🍢 串燒
🐣 雞翼串 （$64）
🐥 雞胸軟骨串 （$32）
🍗 自家製免治雞肉棒 （$38）
「燒鳥」，即係串燒雞肉，係呢度嘅主打，我哋叫咗三款🥰 三款都係日本德島阿波酢橘雞，膽固醇同脂肪都比一般雞低，食得健康又安心😚！ 雞翼串用咗鹽調味，有少少米味，雞肉juicy🤪 雞胸軟骨非常爽口香脆，食到索索聲😆 免治雞肉棒仲有配埋日本生雞蛋食，可以中和返醬汁嘅味道🤤
🍤 炸蝦天婦羅壽司卷 （$128）
估唔到壽司卷咁大份😳 仲連天婦羅蝦頭蝦尾都上齊，全部都食得㗎，仲好酥脆添😛 炸蝦超大條，好肥美，蝦肉份量嘅比例仲多過啲壽司飯，超足料🤤
🧆 秘制酥脆唐揚雞 （$78）
呢個係店員推介我哋試試嘅「自家製柚子胡椒唐揚炸雞」配「自家製他他醬」☺️ 個炸雞同一般食開嘅真係有啲唔同，首先食得出佢係新鮮滾熱辣炸出嚟，咬開雞肉仲會冒煙🤩 外脆內嫩之餘味道唔會油膩，反而有柚子嘅清新，沾埋沙沙醬感覺仲更加refreshing同輕盈添！
🦪 鹽釜原隻鮑魚 （$168）
師傅將原隻鮑魚用昆布蓋起，再佈滿鹽釜，最後仲會喺客人面前點火燒啲鹽釜😍 燒完之後就敲開啲鹽，打開昆布，裏面嘅鮑魚軟腍甜美，一啲都唔鹹㗎，好神奇😍
🐠 立鳞炸甘鯛 （$98）
「立鱗炸甘鯛」好特別！師傅將鯛魚嘅鱗炸到企身，食落十分脆口，綠色嘅係海苔，如果覺得唔夠鹹仲可以沾一下碟邊嘅淡雪鹽😚 一啖入面食晒炸鱗同魚肉，嘅香脆又軟嫩，好似食緊零食咁😆！
張貼
