影片
更多
2022-09-04
916 瀏覽
讀書就開始食的小店，其實老闆話佢都唔想咁多人知呢間鋪，因為得佢一對手，太多人佢都應付唔到。但有時又真係少人到一日得一千蚊生意，守業守得有啲辛苦。嚟得嘅基本都係熟客，呢到冇裝修，冇景，唔浪漫，唯有足料的美食。🍹凍檸多次次嚟親老闆都叫我地飲凍檸多，因為出面係飲唔到。原支益力多加青檸，配上整支泰象梳打，清新解渴。老闆仲建議我地加啲Gin落去變Cocktail(免費，自己鍾意就落），青檸香氣一下變得好突出，外面真係飲唔到。🍲冬蔭功（細）兩個人分到兩細碗，其實老闆係咁勸我地唔好飲啦，因為冬蔭公到到都係差唔多，佢想我地食多啲佢獨有的菜式，不過因為我真係好鍾意飲冬蔭功，所以係都要叫。味道比我想像中淡，傳統冬蔭功其實會偏鹹偏濃，因為泰國人其實係拎嚟拌飯食。呢到調味較輕手，對我而言唔夠重味。🥗豬膶生菜包餐牌寫要預訂，為食的關係都膽粗粗問老闆有冇得食啦！點知真係有！呢到嘅生菜包一向都好出色，調味好到位，係我食過最好食的生菜包。豬膶生菜包係大量豬膶配上少量肉碎炒成，味道鹹、甜、酸，好開胃。🍤蝦多士呢啲先係蝦多士！成cm厚的蝦膠，彈牙冇多餘添加。炸得金黃鬆脆唔會界口，坊間有啲蝦多士整到海鮮卷咁，食到谷鬼氣！呢
讀書就開始食的小店，其實老闆話佢都唔想咁多人知呢間鋪，因為得佢一對手，太多人佢都應付唔到。但有時又真係少人到一日得一千蚊生意，守業守得有啲辛苦。嚟得嘅基本都係熟客，呢到冇裝修，冇景，唔浪漫，唯有足料的美食。
🍹凍檸多
次次嚟親老闆都叫我地飲凍檸多，因為出面係飲唔到。原支益力多加青檸，配上整支泰象梳打，清新解渴。老闆仲建議我地加啲Gin落去變Cocktail(免費，自己鍾意就落），青檸香氣一下變得好突出，外面真係飲唔到。
🍲冬蔭功（細）
兩個人分到兩細碗，其實老闆係咁勸我地唔好飲啦，因為冬蔭公到到都係差唔多，佢想我地食多啲佢獨有的菜式，不過因為我真係好鍾意飲冬蔭功，所以係都要叫。味道比我想像中淡，傳統冬蔭功其實會偏鹹偏濃，因為泰國人其實係拎嚟拌飯食。呢到調味較輕手，對我而言唔夠重味。
🥗豬膶生菜包
餐牌寫要預訂，為食的關係都膽粗粗問老闆有冇得食啦！點知真係有！呢到嘅生菜包一向都好出色，調味好到位，係我食過最好食的生菜包。豬膶生菜包係大量豬膶配上少量肉碎炒成，味道鹹、甜、酸，好開胃。
🍤蝦多士
呢啲先係蝦多士！成cm厚的蝦膠，彈牙冇多餘添加。炸得金黃鬆脆唔會界口，坊間有啲蝦多士整到海鮮卷咁，食到谷鬼氣！呢啲先係蝦多士呀大佬！
其實另外仲食左豬頸肉同芝士蛋糕，不過New York Club是一間令人好易唔記得要相機食先的店，今次已經影多左。
老闆，你啲嘢真係好好食，我希望再下一個十年，你都可以繼續煮。
張貼
