水剌間

營業中

休息中

琴晚同媽咪去咗九龍城食晚飯🥣試咗間韓國嘢🇰🇷😙餐廳應該新開張冇幾耐，因為啲枱枱櫈櫈、裝修都好新淨，呢度有得揀坐榻榻米或者正常枱，環境闊落舒適😌一坐低就比左3碟前菜我地😋辣魷魚🦑最好味👍🏻泡菜餅$108份量好大，適合3-4人食，餅邊整到好脆口👍🏻勁多泡菜，但係啲泡菜唔係好辣，酸酸地幾開胃🥣海鮮芝士炒年糕$148邪惡之選😈啲芝士多到可以不停玩拉絲，有青口、蜆、魚糕、蛋同蔬菜🫕甜辣醬汁非常惹味🌶食到唔停口！海鮮豆腐湯$78呢個相對辣少少🌶🌶配料豐富，有青口、蜆、豆腐、蔬菜等，豆腐好滑😚星期一來講都算幾滿座，如果想黎記住book檯，見到有兩檯客食燒肉好吸引😍下次都要試吓先😛