影片
更多
2022-03-27
126 瀏覽
Duet Cuts and cups 咖啡店度度都有，喺香港已經非常之普及。深水涉/大坑/西環都係咖啡店聖地，但估唔到喺黃埔嘅一個轉角仔，搵到呢間咖啡x理髮店嘅小店，令我感到好新鮮。咁啱林鄭想剪頭髮而開返髮型屋，令我回想起呢間小店。 Duet意思指二重奏，從咖啡/剪髮，到店內嘅不鏽鋼/石材嘅設計，都展現出Duet嘅concept，而招牌都內藏呢個意思。店舖個logo採用萬宜水庫東霸嘅三角石，左邊嘅粒子係bar枱嘅水刷石，或者係咖啡豆，右邊嘅班馬線間條係髮型舖紅白藍旋轉燈。 講咗咁多佢用咗xx石xx牆，講到頭都亂埋。簡單講，餐廳係行灰黑時尚風格，舒服光猛，無野做望吓咖啡豆/洗髮水嘅展示架同Bar枱下嘅書，都幾寫意吓。但店內咖啡店佔嘅空間比Salon少，搞到我行過第一眼以為係普通剪髮店。 食物選擇比起其他咖啡店都新鮮得很。包類唔只得牛油果三文魚嗰D大路野，仲有泰式/美式嘅意式麵包。意粉有東南亞喇吵/日式壽喜燒味，甜品又有多款窩夫，真係諗唔到佢喺呢個咁細嘅廚房中可以做到咁多野。BTW，入黎剪頭髮嘅客人可以免費叫杯咖啡。 煙燻燒烤手撕豬肉意大利軟包$98 個Ciabatta同個名一樣都咁長，可
咖啡店度度都有，喺香港已經非常之普及。深水涉/大坑/西環都係咖啡店聖地，但估唔到喺黃埔嘅一個轉角仔，搵到呢間咖啡x理髮店嘅小店，令我感到好新鮮。咁啱林鄭想剪頭髮而開返髮型屋，令我回想起呢間小店。
Duet意思指二重奏，從咖啡/剪髮，到店內嘅不鏽鋼/石材嘅設計，都展現出Duet嘅concept，而招牌都內藏呢個意思。店舖個logo採用萬宜水庫東霸嘅三角石，左邊嘅粒子係bar枱嘅水刷石，或者係咖啡豆，右邊嘅班馬線間條係髮型舖紅白藍旋轉燈。
講咗咁多佢用咗xx石xx牆，講到頭都亂埋。簡單講，餐廳係行灰黑時尚風格，舒服光猛，無野做望吓咖啡豆/洗髮水嘅展示架同Bar枱下嘅書，都幾寫意吓。但店內咖啡店佔嘅空間比Salon少，搞到我行過第一眼以為係普通剪髮店。
食物選擇比起其他咖啡店都新鮮得很。包類唔只得牛油果三文魚嗰D大路野，仲有泰式/美式嘅意式麵包。意粉有東南亞喇吵/日式壽喜燒味，甜品又有多款窩夫，真係諗唔到佢喺呢個咁細嘅廚房中可以做到咁多野。BTW，入黎剪頭髮嘅客人可以免費叫杯咖啡。
煙燻燒烤手撕豬肉意大利軟包$98
煙燻燒烤手撕豬肉意大利軟包
$98
23 瀏覽
0 讚好
0 留言
個Ciabatta同個名一樣都咁長，可能有八吋，但裏面嘅肉份量相對下比較遜色，只有薄薄一浸而又放得疏散(可能睇唔到啦)，性價比就差咗D。
手撕豬肉雖不多，但非常足味。佢有適當嘅脂肪唔乾，水嫩香口，同時又好creamy帶有茄香，與酸甜嘅BBQ醬融和得很，唔係只得D齋茄醬味嘅手撕豬。配上烤菠蘿/火箭菜，帶有熱帶氣色。
(朋友叫咗個牛油果toast，配咗D yogurt醬。我偷咗D佢嗰隻醬，加埋入手撕豬到，又可以平衡返佢嘅酸度。)
Ciabatta非常之香軟，有用油輕微烘過，空氣感高，但通常Ciabatta會有個脆身/啡色外殼，而呢個就純軟身lor，佢上面嘅紅椒粉就似係裝飾多D啦。
煙肉配脆糖香蕉窩夫$88
煙肉配脆糖香蕉窩夫
$88
27 瀏覽
0 讚好
0 留言
賣相夠哂澎湃，估唔到窩夫都出現煙肉(亦可能我比較少見)。窩夫有兩方格，有明顯嘅堅實脆皮，但裏面唔係綿密嗰隻，純粹得脆嘅口感，蛋味/其他味又唔突出，非常之一般。
煙肉有炭香燶邊，內裏乃是粉嫩色澤，比起一般完全脆身嗰D，我就更鍾意呢隻。香蕉本身軟糯，微帶焦糖皮，配上楓糖味醬汁又有較啡嘅糖香，不錯。
張貼
