Hard Rock Cafe (已結業)

咁快就星期五啦，同事問今晚有冇約人，佢請Happy Hour，以前就會答得好快，而家疫情吓，都諗咗一陣先答：好😉！我哋放工行咗去蘭桂坊嘅Hard Rock Cafe，因為呢度啲飲品大大杯🍹😆，而且呢度嘅調洒師，好有型格又專業，每次調校嘅雞尾酒都好好飲佢，我哋喜歡坐吧枱，一邊睇調酒師調校不同嘅雞尾酒🍸，傾吓計，好舒服。我點咗杯冰雪草莓🍓🍹，入面有白冧洒、青檸汁同埋士多啤梨混合。好fruity，好滑好順口。同事就點左杯莫吉托，白冧酒配新鮮青檸汁、薄荷葉🌱及soda。跟住佢點咗個炸魚薯條🍟送吓酒，問我想食啲乜，我話想食沙律，健康啲，叫咗呢度嘅招牌凱撒沙律🥗，呢度嘅食物不過不失，但係我覺得就貴咗啲，不過唔緊要啦，因為呢餐同事仔請💁‍♀️😄。