Bougel Cafe (已搬遷) 新店位置

Cafe就係屯市隔離嘅華都花園商場地下，都唔算太難揾到。正正係Aeon對面街。cafe門面雖然比較細，不過都五臟俱全。一入到cafe就會見到玻璃櫥櫃入面 有好多唔同嘅款式口味Pastry🤩 bagel 🥯, scone, muffins 等等🤤🥰 不過最想試都係好岀名嘅開心果New York Roll🤩 因為去嘅時間都唔算早，所以有啲款式都無，好幸運咁買到一個新鮮岀爐😋✨ New York Roll 開心果吉士味用80層牛角酥皮卷成嘅圓形蝸牛狀嘅牛角包🐌🥐 口感超酥脆👍🏻 就算唔係新鮮岀爐即食，隔左一陣拎返屋企叮返熱都仲係好酥脆。麵包中間都幾鬆軟，每一啖都食到開心果味，唔太甜，岩岩好🥰 之後會想再試下其他口味👍🏻👍🏻✨ 伯爵茶合桃鬆餅伯爵茶茶味好香，食落唔太甜，口感鬆軟，有啲粒粒合桃係中間☺️。不過對於熱愛濃啲伯爵茶味嘅朋友仔黎講，茶味應該就淡左啲啲。