銀座梅林 (已結業)

朋友尖沙咀返工，由於餐廳於地鐵沿線，所以我喺中環過去食晏都好方便。餐廳陣設同其他日本餐廳差唔多，也設有大量卡位。但我們覺得光線較暗，午市用餐可以光一D嘅。午餐set lunch 有多種選擇，比散叫化算，大概百幾蚊一份，晚市一般都要四、五百蚊一個人落樓。吉列雜錦 - 有肉又有海鮮，可以一次過滿足晒心多多嘅朋友，吉列蝦估唔到幾大隻喎。吉列豬柳 - 一向愛好豬扒類，今次揀咗豬柳果然較軟身又有咬囗，都好juicy。跟餐個湯都好好味，落足料㷛咖。其實吉列做倒鬆、脆、香囗 & Juicy 故然重要，但係好嘅醬汁都不能缺少，能夠做出畫龍點睛嘅效果。餐廳提供三款醬汁可按囗味自己選擇。 我就鐘情豬扒汁喇，酸酸哋可以中和肥膩感覺。還有無限添加嘅椰菜絲都係不可缺少。